Home » درس القرآن » دحق لارویان :نه به يې ارادې کمزورې شي اونه به دښمن ته سرټیت کړي !

دحق لارویان :نه به يې ارادې کمزورې شي اونه به دښمن ته سرټیت کړي !

قال الله تعالی : وَكَأَيِّنْ مِنْ نَبِيٍّ قَاتَلَ مَعَهُ رِبِّيُّونَ كَثِيرٌ فَمَا وَهَنُوا لِمَا أَصَابَهُمْ فِي سَبِيلِ اللَّهِ وَمَا ضَعُفُوا وَمَا اسْتَكَانُوا وَاللَّهُ يُحِبُّ الصَّابِرِينَ (۱۴۶) وَمَا كَانَ قَوْلَهُمْ إِلَّا أَنْ قَالُوا رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ (۱۴۷) فَآتَاهُمُ اللَّهُ ثَوَابَ الدُّنْيَا وَحُسْنَ ثَوَابِ الْآخِرَةِ وَاللَّهُ يُحِبُّ الْمُحْسِنِينَ (۱۴۸)ال عمران

ژباړه :اوڅومره ډيرانبیاء و ؛ چې  بي شمیره  لارویان  [ علماء اوشاګردان] يې   [ددین  ددښمنانوپه خلاف ] په جهادبوخت ؤ ،

اوهرڅومره کړاونه  چې  به دجهادپه لاره کې ورته ورسیدل [زغمل به یې ] نه به یې ارادې  کمزوره شوې  ،نه به ضعیفه کیدل اونه به یې هم دالله دښمنانو ته سر ټیټاوه ، [دوئ به  صبرکاوه ] اوالله تعالی صبرکونکي ډیرخوښوي ،

اوهغوئ به تل  همداویل  : ای ربه ! زموږ ګناهونه  راوبخښه ،که له موږ څخه  د خپلو کارونوپه ترڅ کې  له شریعت نه تجاوز شوی وي  هغه را معاف کړه ، زموږ قدمونه دجهاد په ډګر کې ټینګ کړه ، اودکافرانو په لښکرو موبریالي کړه ، الله تعالی به هغوئ ته په دنیاکې بدله ورکړه ، اودآخرة ترټولو ښه  بدله به یې هم ورکړه ،  [اوداځکه چې هغوئ نیکان ؤ ] اوالله تعالی نیکان خلګ خوښوي .

 لنډتفسیر :

په ذکرشوو آیتونوکې لوی خدای جل جلاله  مجاهدینو ته یوډول ډاډګیرنه ورکوي  اوهم یې په ضمن کې ځینو هدایاتوته اشاره کړي .

لوی خدای جل جلاله فرمایې : چې په وړاندینیو امتونوکې هم ترټولو سپیڅلي خلګ  [یعني علماء اوددین زده کونکي ] به دالله تعالی ددښمنانو سره په جهاد بوخت ؤ ،اودالله تعالی دین چې  پیغمبرانو به تردوئ پوري رسولی ؤ دهغه په دفاع کې به یې دکفارو سره په ځان ،مال   اولسان  سره جهاد کاوه ، اوله هیڅ ډول قربانۍ څخه به یې دریغ نه کاوه ، تردې چې که به له هرډول ستونزو ،کړاونو ،اوربړونو سره مخ شول ،له خپل جهادي موقف څخه به نه اوښتل ، نه به یې ارادې کمزوره شوي  ،اونه به یې دالله تعالی دښمنانو ته سرټیټاوه .

بلکه په دغه ټولو ورپیښو مشکلاتوبه یې صبرکاوه ، اولوی خدای جل جلاله صبرکونکي ډیرخوښوي دالهي دین دغه سپیڅلو مجاهدینو  به  خپل رب  ته دزاریو لاسونه لپه کول ، اودا   دعابه یې کوله :

ای ربه ! زموږ ګناهونه  راوبخښه  .

که له موږ څخه  د جهاد په دې سپېڅلي لاره کې کومه غلطي ،یاله حده تجاوز شوی وي  هغه را معاف کړه .

ای ربه  ! زموږ قدمونه دجهاد په ډګر کې ټینګ اومضبوط کړه .

موږ ته خپل  نصرت راپه برخه کړه  اوستاپه دښمنانو موبریالي کړه .

الله تعالی به  دوئ  سرلوړي کړل ،په فتح اونصرت به یې ونازول ،  ددوئ په لاس به یې خپلو دښمانوته شکست  ورکړل ، اودشیطان ملګري  به یې دتل لپاره ذلیل کړل .

الله تعالی به مجاهدینو ته یواځې  دغه دنیاوي نعمتونه ورپه برخه نه کړل ،بلکه

دجهادپه ټولو اعمالوبه یې دآخرت اجرونه هم  ورته ولیکل  ،

بي شکه الله تعالی نیکان خلګ خوښوي .

About admin