مارچ 01, 2021

وقت څه دی ؟

وقت څه دی ؟

  وقت څه ده؟ 

له فيثا غورث څخه پوښتنه وشوه: وقت څه ده؟ ده ورته وويل: وقت د دنيا روح ده.

يوه بل وويل: وقت هغه ستره هستي ده چې شاه، ګدا، شتمن، نيستمن، زورور، كمزوري، زاړه او واړه ته يو ډول وركول کېږي او لا يې زياته کړه، وقت له يوه وحشي نه مهذب او له مهذب نه يو ملائك صفته انسان جوړه وي، له ناپوهانو څخه پوهان او له مسكينانو شتمن جوړه وي.

يوه بل تن وويل: وقت هغه خامه ماده ده چې هر څه ترې جوړولى شې او بيا يوه سپېنږيري دساه ختوپه مهال داسې وويل، ژوند خو په يوه دروازه واته او په بله ننواته دي، عمر ژوند او وقت همدغه ده. متاع وقت .

دوقت اهمیت 

۱= الوقت من ذهب ان لم تدركه ذهب.

زباړه :وقت سره زره دي که کارځيني وانه خلي ضائع کیږي .

۲= الوقت كنز ان ضيعته ضعت.

ژباړه :وقت یوه خزانه ده  چې ډیرپه اسانه ضائع کیږي

۳= الوقت هو المادة الخام للحياة.

ژباړه :وقت دژوند خام اوبنیادي مواد دي .

۴=إضاعة الوقت أشد من الموتأن إضاعة الوقت تقطعك عن  الله والدار الآخرة، والموت يقطعك عن الدنيا وأهلها .

ژباړه ، دوقت ضائع کیدل ترمرګ هم سخت ده .ځکه دوقت ضائع کیدل دي له الله تعالی سره تعلق پري کوي اومرګ له دنیا سره .

۵=  الوقت عدو مجتهد لا يقتلة الا كل مجتهد.

ژباړه : وقت یو زیارکښ دشمن  ده هیڅوک یې له منځه نشي وړلای مګر هغه چې زیارایستونکی اومحنت کونکی وي  .

دوقت په اړه د ابن جوزي توصيه

واعلم :يا بني ان الايام تبسط ساعات والساعات تبسط النفاسا ……… ژباړه: ښه پوشه زويه! د ژوند ورځې د څو ساعتونو نوم ده او ساعتونه د څو شيبو نوم ده او هره شيبه د لوى خدای ﷻ يوه ستره خزانه ده، د يوې يوې شيبې قدر وکړه، چې بې ګټې در څخه تيره نشي او چې د قيامت په ورځ د ژوند دا ستره هستي هسې خالې ونه مومې، چې بيا پرې خپلې اوښکې تويوي او پېښمانه وي.

ګوره! د هرې لمحې او شيبې حساب كوه، چې ستا وقت چيرې او كوم ځای کې تيریږي او دا زيار باسه چې د ژوند هره لمحه دي په ښه كار كې مصرف شي، له بې ګټې ژوند او وقت تیرولو څخه ځان وساته.

محنت او كوشش د ځان عادت جوړ کړه، د قبر صندوق ته داسې څه ور ولیږه، چې د ورتګ په مهال پرې هوسا او خوشحاله شې. متاع وقت ص\56

الحدیقه ص\۱۵۰

Related posts